He thu hi ka CWJ ah 7/9/21 11:47am (Champhai) a ka ziah a ni. Tlem belh/siam remin vawiin hian hetah ka dah chhuak leh a ni.
Romans 5:2-3 amah avang vek chuan he khawngaihna kan din nghehnaah hian rinnain kan lut ta a; Pathian ropuina beiseiin lawmin i awm bawk ang u. Tin, chuti chauh chu ni lovin, kan hrehawmnaah pawh lawmin i awm ang u, hrehawmna chuan chhelna a siam a, chhelna chuan hriatfiahna a siam a, hriatfiahna chuan beiseina a siam tih kan hre si a;
Rinna hian Pathian ropuina beiseina nasa tak min neih tir ṭhin a, kawng hmu loin, hre lo mah ila min hruaitu beseina chuan ke min pen tir tho ṭhin.
Zakaia kha taksa zawnah chuan a tawi niin a lang a, mahse Isua zuitu mipui kha awm lo mahse hmuh tham loh khawpa tawi a nih a rinawm loh. Isua zuitu mipuite avang khan a tawina chu a pawi ta a ni. A tan Isua hmuh ngei tum kha a harsa ta si a. Zakaia ang mai hian, kan nunin a zir loh avang leh, mi tamtak Isua lo zui tawhtute avanga thlarau lama kan inhmuh tet riau changte, Isua nena intawhna neih chu kan tan a khirh riauva hriat chang a awm fo.
Zeng, a ṭhian ten inchung aṭanga Isua hnena an thlak tak ang maia kal kawng awm zawng zawnga min daltu an awm changte a awm changte, hmeichhe thi put anga kan bawlhhlawhna avanga dai pawna hnawl nih leh kan bawlhlawhnain inthlahrunna tam tak min neihtir chang a awm bawk ṭhin. Tin, mitdel Bartimaia ang maia chak lohna, mite phak lohna nei kan ni thei bawk.
Kan tlin lohna leh hrehawmna avanga Krista mamawh kan nih inhriatna chuan chhelna min siam a, rinna leh beiseina neituah min siam ṭhin.
Chu rinna leh beiseina chuan min titè vawng vawngtute aia sangah min lawn tir a, kan kawng daltu ṭhu ṭhup mah se, rinna chuan kawng dang min dap tir a. Kan bawlhlawhna avanga kan inthlahrunna chuan min thukru mah se, Krista thiltihtheihna sawr chhuak turin a puan hmawr tal min deh tir fan ṭhin a ni. Kan chak lohna chuan mi rual kan pawl phak tir lo mah se, chumi avang chuan kan tlan chhe lova, Krista kan mamawhna zawk chuan min au rin zual tir sauh ṭhin.
Rinna leh duh takzetna hi tuman/engmahin a dal thei lova, rinna, beiseina, chhelna ṭang khawm hian Pathian thiltihtheihna mite chunga lo lang hmuhpuitu chauh ni lovin, a taka changtu ah min siam ṭhin.
splukefivefive130526-6:40am
