He thu hi 12/09/21, 6:43am ah Out Reach Sunday pualin kan ziak a ni. Lockdown lai a ni a, SMM bakin Pathian thu kan puan chhuah theih loh lai a ni.
Matthew 6:10 I duhzawng vana an tih angin leia mi’n ti rawh se.
Ezekiela’n thupek a hmuh ang zawm a, a ka a àn vena chin ang zelin ruama ruh rote a rem khawm a, sipai rual din thar leh a ni a.
Thupek kan nih ang zawm a, kan duhzawngin vanlam a awn a, van duhzawngte kan ṭawmpui apiangin, van lam thiltihtheihna kan khawih che ṭhin.
Van thiktihtheihna thlenna hmunah chuan nunna lo awmin, sipai rual ropui tak din a ni a, engmah lo anga lang pawh a nung tlat ṭhin.
Mimal/Kohhranin van lam duhzawng leh thupek, chanchinṭha hril, thlaraubo hmangaih a, Krista ram zauh tura ke a penin chumi Kohhran chu a nung ṭhin.
Khawvel ropuina um a, pawn lam mawina chiah ngaipawimawh a, lang thei lam chauhva a insenso nasat poh leh, van mit hmuhah chuan ruhro tam tak, engmah lo, nunna neilo kan ni ṭhin.
Van thawhpuitu ni turin kan duhzawng leh ngaihpawimawh ten van lam thlawp tlat se, kan rawngbawlna tinreng hian nunna nei sipai rual tam tak lo din zel rawh se.
Khawvel zawng zawngah kal ula, thil siam zawng zawng hnenah chuan Chanchinṭha hi hril rawh u. Marka 16:15
